2012 йилги Олий Лига, Биринчи Лига, шунингдек, Аёллар Лигаси ўйинларини бошқариб боришга тавсия қилинган ҳакамлар, ёрдамчи ҳакамлар ҳамда назоратчи ҳакамлар рўйхатлари тасдиқланди. Бу ҳақда ПФЛ расмий сайти хабар тарқатмоқда.

2012 йилги Олий Лига ўйинларини жами 18 нафар бош ҳакам (улардан 5 нафари захирада) бошқариб борса, улар жами 33 нафар (9 нафар захира) ёрдамчи ҳакам кўмаклашади. Бундан ташқари, Олий Лига ўйинларини бошқариб бораётган ҳакамлар ишини 19 нафар назоратчи (4 нафари захира) кузатиб, баҳолаб боради.

2012 йилги Биринчи Лига ўйинларига 49 нафар ҳакам жалб этилган бўлиб, улардан 22 нафари (8 нафари захирада) бош ҳакамлар, қолган 27 нафари рефери ассистентларидир. Биринчи Лига ўйинларида, шунингдек, 14 нафар назоратчи ҳакам ишлайди.

Аёллар Лигаси ўйинларига тавсия қилинган бош ҳакам фақат бир нафар бўлиб, тавсия қилинган наманганлик Эдита Миробидовага жами етти нафар ассистент ёрдам бериши кутилмоқда.

Ҳакамлар рўйхатини ПФЛ расмий сайтининг «Ҳужжатлар» бўлимига ўтиб, тегишли ҳаволадаги махсус файлдан сақлаб олиш мумкин.