Италия терма жамоаси бош мураббийи Роберто Манчини "МЮ" билан боғлиқ хабарларга изоҳ берди. Унга "Манчестер Юнайтед" билан алоқа қилгани ҳақида савол берилганида шундай дейди:
"Премьер-лига клуби билан оғзаки келишув? Биласизми, бу хабарларнинг ҳаммаси ёлғон! Менинг айни дамдаги ягона мақсадим — Жаҳон чемпионатига чиқиш ва имкон қадар чемпионликка ҳаракат қилиш".
Эслатиб ўтамиз, Италия Жаҳон чемпионатига тўғридан-тўғри йўлланмадан мосуво бўлган. Улар эндиликда иккита ўйиндан иборат саралаш циклидан ўтишлари керак бўлади.