Italiya terma jamoasi bosh murabbiyi Roberto Manchini "MYU" bilan bog‘liq xabarlarga izoh berdi. Unga "Manchester Yunayted" bilan aloqa qilgani haqida savol berilganida shunday deydi:
"Premyer-liga klubi bilan og‘zaki kelishuv? Bilasizmi, bu xabarlarning hammasi yolg‘on! Mening ayni damdagi yagona maqsadim — Jahon chempionatiga chiqish va imkon qadar chempionlikka harakat qilish".
Eslatib o‘tamiz, Italiya Jahon chempionatiga to‘g‘ridan-to‘g‘ri yo‘llanmadan mosuvo bo‘lgan. Ular endilikda ikkita o‘yindan iborat saralash siklidan o‘tishlari kerak bo‘ladi.