Шанба оқшомида «Бавария» ўз майдонида «Майнц»ни 2:1 ҳисобида мағлуб этди. Юлиан Нагелсманн учун бу ғалаба Бундеслигадаги мураббийлик фаолиятидаги 100-ғалаба бўлди.

Opta нашри хабарига кўра, Юлиан Нагелсманн Бундеслигада 100 та ғалаба қозонган энг ёш мураббий ҳисобланади. «Бавария» бошқарувчиси 34 ёшу 141 кунлигида 100 лик довонга етди.

Аввалроқ Бундеслигада 100 та ғалаба қозонган энг ёш мураббий Эрич Риббек (38 ёшу 147 кун) бўлганди.

Қизиғи, Юлиан Нагелсманнинг Бундеслигадаги 1 ва 100-ғалабалари «Майнц»га қарши бўлган.

Шанба куни якунига кўра, Германия чемпионати турнир жадвалида «Бавария» ва «Боруссия Д» ўртасидаги фарқ 6 очкога етди.