"Ливерпуль" ва "Арсенал" ўз футболчиларини Африкага муддатидан эрта қўйиб юборишга мажбур бўлиши мумкин. Хабарларга кўра, Африка Миллатлар кубоги мусобақаси муддатидан эрта бошланади.
Унинг амалдаги санаси 2022 йил, 9 январга белгиланган. Аммо ташкилотчилар 3 январданоқ мусобақага старт бериши айтилган.
Бунга асосий сабаб эса Миср клуби "Ал-Аҳли"нинг сўрови. Улар февралдаги клублар ўртасидаги Жаҳон чемпионатида қанташишни режа қилган. Бунда уларда икки турнир орасида жуда қисқа, 3 кун муддат қолади.
"Ал-Аҳли"нинг ҳам асосий футболчилари Африкадаги мусобақада қатнашади. Шу сабабдан клуб Африка футбол конфедерациясига сўров билан чиқиб, турнирни эртароқ бошлашни сўраган.
Агарда шундай бўлса, "Ливерпуль" 2 январдаги "Челси"га қарши учрашувида, "Арсенал" эса 1 январдаги "Ман Сити"га қарши баҳсида асосий футболчиларисиз қолиши мумкин.
