"Liverpul" va "Arsenal" o‘z futbolchilarini Afrikaga muddatidan erta qo‘yib yuborishga majbur bo‘lishi mumkin. Xabarlarga ko‘ra, Afrika Millatlar kubogi musobaqasi muddatidan erta boshlanadi.
Uning amaldagi sanasi 2022 yil, 9 yanvarga belgilangan. Ammo tashkilotchilar 3 yanvardanoq musobaqaga start berishi aytilgan.
Bunga asosiy sabab esa Misr klubi "Al-Ahli"ning so‘rovi. Ular fevraldagi klublar o‘rtasidagi Jahon chempionatida qantashishni reja qilgan. Bunda ularda ikki turnir orasida juda qisqa, 3 kun muddat qoladi.
"Al-Ahli"ning ham asosiy futbolchilari Afrikadagi musobaqada qatnashadi. Shu sababdan klub Afrika futbol konfederasiyasiga so‘rov bilan chiqib, turnirni ertaroq boshlashni so‘ragan.
Agarda shunday bo‘lsa, "Liverpul" 2 yanvardagi "Chelsi"ga qarshi uchrashuvida, "Arsenal" esa 1 yanvardagi "Man Siti"ga qarshi bahsida asosiy futbolchilarisiz qolishi mumkin.
