УЕФА жорий мавсумдан бошлаб янги мусобақа — Конференциялар лигасини ўтказиб келмоқда. Мусобақанинг гуруҳ босқичи якунланди.

Гуруҳ босқичида пешқадамликни қўлга киритган жамоалар тўғридан-тўғри нимчорак финал босқичига йўл олишган бўлса, қолган 8та клуб 1/16 финал деб номланган ўтиш баҳсларида иштирок этишади.

Гуруҳда 2-ўринни эгаллаганлар бу босқичда Европа лигаси гуруҳ босқичида 3-ўринни эгаллаган клублар билан тўқнаш келишади. Бугун эса айнан мазкур босқичга қуръа ташлаш маросими бўлиб ўтади.

Қачон?
Қуръа ташлаш маросими бугун — 13 декабрь, душанба куни УЕФА қароргоҳи жойлашган Ньон шаҳрида бўлиб ўтади. Тадбир Тошкент вақти билан 18:00да бошланади.

Иштирокчи-жамоалар
Юқорида айтиб ўтганимиздек, қуръада 16та жамоа иштирок этади. Конференциялар лигаси гуруҳ босқичида 2-ўринни эгаллаганлар 1-саватчадан, Европа лигасидан ўтган клублар эса 2-саватчадан ўрин олишади.

1-саватча:
"Буде-Глимт" (Норвегия)
"Қорабоғ" (Озарбойжон)
"Маккаби" Тель-Авив (ISR)
ПАОК (Греция)
"Партизан" (Сербия)
"Раннерс" (Дания)
"Славия" (Чехия)
Яна бир жамоа номи кейинроқ маълум бўлади

2-саватча:
"Лестер" (Англия)
"Митьюлланд" (Дания)
"Олимпик" (Франция)
ПСВ (Нидерландия)
"Рапид" (Австрия)
"Селтик" (Шотландия)
"Спарта" (Чехия)
"Фенербахче" (Туркия)

Чекловлар борми?
Ҳа. Бир мамлакат вакиллари ушбу босқичда ўзаро тўқнаш келишмайди.

Нечта ўйин?
1/16 финал босқичида жамоалар уй ва сафар тизимида икки мартадан тўқнаш келишади. 1-саватча вакиллари жавоб баҳсини ўз уйларида ўтказишади. Плей-офф босқичида "сафарда урилган гол" қоидаси амалда бўлмайди.

Ўйинлар қачон ўтказилади?
Дастлабки учрашувлар 17 февраль, жавоб баҳслари эса 24 февраль кунлари бўлиб ўтади.

Кейин-чи?
Ушбу босқич ғолиблари нимчорак финалга йўл олади ва Конференциялар лигаси гуруҳ босқичида 1-ўринни эгаллаганлар сафига қўшилади. Мағлуб бўлганлар мусобақани тарк этишади. 1/8 финалга қуръа ташлаш маросими 25 февраль куни бўлиб ўтади.