"Крилья Советов" клуби ўтган йилнинг 22 июнида "Анжи"га қарши кечган ўйинда "Металлург" стадионининг ғарбий трибунасидан майдонга банан улоқтирган мухлисни топишга мувффақ бўлди. Улоқтирилган банан махачқальаликлар ўйинчиси Роберто Карлосга яқин жойга келиб тушган эди. Самараликлар қидирувни ҳуқуқни ҳимоя қилувчи органлар билан ҳамкорликда изланишлар олиб бордилар.
Клуб хавфсизлик хизматининг маълумот беришича, ушбу детектив роппа роса саккиз ой давом этди. Суриштирувлар боши берк кўчага кириб қолган вақтлар ҳам бўлган, баъзан ёлғон излар бўйича кетган.
Ғайир ниятли шахс Самара шаҳрида яшовчи Вячеслав Прохоров бўлиб чиқди. У ўзининг видеомулоқотида майдонга банан улоқтирганилигини тан олди. Аммо бу ерда ҳеч қандай ирқчилик нияти бўлаганлигини таъкидлади. Унинг айтишича у шунчаки "Крилья Советов"нинг ўйинидан норози бўлган, холос. Жамоа бу ўйинда Роберто Карлос жамоасидан учта жавобсиз тўп қабул қилиб олганди.
Россия қонунларига кўра, "бананчи"нинг бу ҳаракати жиноий жавобгарликка тортмайди. Ҳаттоки, унинг стадионга кириш ҳуқуқи ҳам сақланиб қолади. Лекин "Крилья Советов" клуби бу воқеа учун тўлаган 300 минг рубл жаримани Прохоровдан ундирмоқчи.
