"Милан" ҳужумчиси "МЮ"даги йиллари ҳақида гапирди. У оммага яна бир сирни ошкор этди:
"Бир куни ўйиндан олдин жамоа билан меҳмонхонада эдим. Чанқаганим учун махсус жойдан шарбат олдим ва ичдим. Биз ўйнадик ва уйга кетдик. Орадан вақт ўтди ва ойлик оладиган вақт келди. Одатда, ойликларимни санамайман. Бу ишни ҳар йил якунида қиламан.
Кейин маошимни санаб кўрадиган давр келди ва шундай қилдим. Қарасам, пул кам чиқяпти. Шунда клуб масъулларига қўнғироқ қилдим ва нега ойлигим камлиги ҳақида сўрадим. Улар эса менга бир пайтлар ичган шарбатим ҳаққини олиб қолишганини, жамоада нимадир буюртирсам, унинг пулини тўлашим кераклигини айтди.
Мен эса уларга ўша меҳмонхонага ўз эҳтиёжим учун эмас, балки жамоа учун борганимни, мен у ерга дам олиш учун бормаслигим, у ер мени иш жойим эканини билдирдим. Ортидан футбол ўйнаганимдан кейин чанқоқ бўлиши ва мен нимадур ичмаса бўлмаслигини тушунтирдим. Улар эса барибир ҳаққини тўлаш кераклигини билдирди.
Сиз бунга ишона оласизми? Бир фунт устида турса-я? Бу каби воқеалар Италияда содир бўлмайди. Мана шу каби ҳодисалар билан бу ер Англиядан ажралиб туради".
