"Milan" hujumchisi "MYU"dagi yillari haqida gapirdi. U ommaga yana bir sirni oshkor etdi:

"Bir kuni o‘yindan oldin jamoa bilan mehmonxonada edim. Chanqaganim uchun maxsus joydan sharbat oldim va ichdim. Biz o‘ynadik va uyga ketdik. Oradan vaqt o‘tdi va oylik oladigan vaqt keldi. Odatda, oyliklarimni sanamayman. Bu ishni har yil yakunida qilaman.

Keyin maoshimni sanab ko‘radigan davr keldi va shunday qildim. Qarasam, pul kam chiqyapti. Shunda klub mas’ullariga qo‘ng‘iroq qildim va nega oyligim kamligi haqida so‘radim. Ular esa menga bir paytlar ichgan sharbatim haqqini olib qolishganini, jamoada nimadir buyurtirsam, uning pulini to‘lashim kerakligini aytdi.

Men esa ularga o‘sha mehmonxonaga o‘z ehtiyojim uchun emas, balki jamoa uchun borganimni, men u yerga dam olish uchun bormasligim, u yer meni ish joyim ekanini bildirdim. Ortidan futbol o‘ynaganimdan keyin chanqoq bo‘lishi va men nimadur ichmasa bo‘lmasligini tushuntirdim. Ular esa baribir haqqini to‘lash kerakligini bildirdi.

Siz bunga ishona olasizmi? Bir funt ustida tursa-ya? Bu kabi voqealar Italiyada sodir bo‘lmaydi. Mana shu kabi hodisalar bilan bu yer Angliyadan ajralib turadi".