"МЮ" бош мураббийи Ральф Рангник "Брентфорд"га қарши баҳс олдидан ўз фикрлари билан ўртоқлашди. У интервью давомида шундай деди:
"Мен жума кунги "Брентфорд" ўйинини кўриб чиқдим. Айтишим мумкинки, бу жамоа ўта юқори жисмоний имкониятларга эга бўлган футболчилардан ташкил топган. Уларнинг ўйини "Норвич"никидан фарқ қилади. Биз рақибнинг мана шу томонларидан огоҳ бўлишимиз ва қаттиқ тайёргарлик кўришимиз лозим.
Ушбу баҳсга бир неча футболчилар тайёр. Хусусан, Люк Шоу қайтди. Уан-Биссака ҳам ўз ўрнида. Эдинсон Кавани эса таркибга қўшилиши мумкин. Биз яна қайтадан вазиятни кўриб чиқишимиз керак. Ҳозир бирор нима дейишга эрта".
Эслатиб ўтамиз, "МЮ"нинг баҳси бугун Тошкент вақти билан 00:30да старт олиши белгиланган.
