Украина терма жамоаси ва Киевнинг “Динамо” клубининг чап қанот ҳимоячиси Виталий Миколенко яқин вақт ичида клубини ўзгартириши мумкин.
Dynamo Kiyev Inside телеграм канали хабарига кўра, украиналик футболчи Англиянинг "Эвертон" клубига ўтишга яқин турибди. 22 ёшли украиналик футболчининг киевликлар билан шартномаси 2025 йилнинг сентябрьигача амал қилади.
Олдинроқ Италия ОАВлари Украина терма жамоасининг собиқ бош мураббийи, ҳозирда «Женоа» устози Андрей Шевченко Мйколенкони «гриффинлар» лагерьига қўшиб олмоқчи экани ҳақида хабар берганди.
Жорий мавсумда Виталий Премер-лигада 15 ўйин ўтказиб, 3 та голли узатмани амалга оширди.
