"Барселона" бош мураббийи Хави Европа лигаси плей-офф босқичида рақибга айланган "Наполи" ҳақида ўз фикрлари билан ўртоқлашди.
“Омадимиз келмади. Биз энг юқори савияда кураш олиб боришимиз керак, чунки “Наполи” Чемпионлар лигасига муносиб рақиб. Аммо олдинда ҳали икки ой бор. Биз жамоани муносиб даражага қайтариш устида ишлаяпмиз. Бироқ, бу биз учун жуда оғир ҳақиқат ва биз Чемпионлар лигасига қайтиш учун Европа лигасида ғалаба қозонишга ҳаракат қилишимиз керак".
"Барселона" Чемпионлар лигаси гуруҳ босқичида учинчи ўринни эгаллади ва 21 йил ичида биринчи марта турнирнинг плей-офф босқичига чиқа олмади.
Жамоа Европа лигаси 1/16 ўйинини “Наполи”га қарши ўтказади. Биринчи ўйин 17 февралда, жавоб ўйини 2022 йил 24 февралда бўлиб ўтади.
