Футбол агенти Мино Райола “Манчестер Юнайтед” билан шартномаси тугаш арафасида турган франциялик яримҳимоячи Поль Погба учун янги клуб қидирмоқда.
“La Gazzetta dello Sport” нашри хабарига кўра, агент ўз мижозини ПСЖга ўтишини истамоқда. Поль жорий мавсум охирида эркин агент сифатида Парижнинг топ-клубига ўтиши мумкин.
Аввалроқ, франциялик ярим ҳимоячининг Туриннинг “Ювентус”, “Реал” ва Каталониянинг “Барселона” клубларига ўтиши мумкинлиги ҳақида ҳам хабарлар тарқалган эди.
Трансфермаркт портали 28 ёшли футболчининг нархини 60 миллион еврога баҳоламоқда.
