"Манчестер Юнайтед" клуби "Ривер Плейт" жамоаси ҳужумчиси юзасидан алоқага чиққан. Сўнгги хабарларга кўра, "МЮ" Аргентина терма жамоаси аъзоси Хулиан Алварес хариди борасида алоқага чиққан.
21 ёшли футболчи анчадан буён Европа жамоалари эътиборида турган эди. Манкунианликлар бу борада ўз рақиблари "Бавария", "Ювентус" ҳамда "Атлетико"ни ортда қолдиргани айтилади.
Алварес ўтган мавсумда жами 46 марта майдонга тушган. Унинг ҳисобида 24 гол ҳамда 15та ассист мавжуд. "Ривер Плейт" эса ўз футболчисини мавсум охирига қадар қолишга кўндириш билан банд. Ҳужумчининг бозор нархи 21 миллион фунтни ташкил этмоқда.
