Жорий Испания чемпионатини “Атлетико” учун бироз омадсиз кечмоқда. Мадрид клуби 17-турдан сўнг 29 очко жамғариб, Ла Лига турнир жадвалида 5-ўринда кетмоқда. Шунингдек, Диего Симеоне бошчилигидаги жамоа чемпионатнинг сўнгги 3 турини жуда омадсиз ўтказмоқда ва “матрасчилар” кетма-кет 3 учрашувдан бери мағлубиятга учрамоқда. Вазият ёмон! Симеоне атрофида истеъфо ҳақида миш-мишлар кўпаймоқда. Мадрид клуби таркибни кучайтириш талаб қилинади, акс ҳолда бу аянчли тугаши мумкин. Шу сабаб ҳозир биз сизларган “Атлетико”нинг қишда амалга ошириши мумкин бўлган эҳтимолий трансферлари ҳақида бироз маълумот беришга қарор қилдик
Антони Марсьял, трансфер эҳтимоли – паст
“Манчестер Юнайтед” ҳужумчиси қишда “Атлетико”га ўтиши мумкин. Унинг агенти франциялик футболчи январда жамоани тарк этиш ниятида эканлигини, Антонининг ўзи ҳам етарлича ўйин амалиётига эга эмаслигидан норози. Шунингдек, ҳужумчи хизматига “Ювентус” ҳам қизиқаётгани, Турин клуби ўз футболчиларидан бирини Антонига алмаштириши мумкинлигини айтди. Трансфермаркт футболчини 35 миллион еврога баҳоламоқда.
Трансфер эҳтимоли анча паст, чунки бу ҳақда фақат битта манба хабар берган, аммо “Атлетико”нинг ўзига ҳужумчи керак эмас, Матеус Кунья ўз вазифасини муваффақиятли бажармоқда. Марсьялнинг статистик маълумотлари ҳам жуда ёмон, шу сабаб Антони хариди мавсумнинг иккинчи ярмида Мадрид клубига фойдали бўлиши даргумон.
Сезар Аспиликуэта, трансфер эҳтимоли – ўрта
“The Guardian” ва “Eurosport” нашрлари хабарига кўра, “Атлетико” испаниялик футболчини ўз сафига қўшиб олишдан манфаатдор, улар Сезарни ёзда эркин агент сифатида ёки январда кичик сумма эвазига олмоқчи. “Челси” ёзда унинг трансферидан пул олиш учун ҳимоячи билан шартномани яна бир йилга узайтирмоқчи. Сезар бир неча кун олдин “Атлетико” билан алоқада бўлган, аммо трансфер бўйича ҳеч қандай музокаралар бўлмаган. Шунингдек, “Челси”нинг “Барселона” ҳимоячисини сотиб олиши мумкинлиги ҳақида хабарлар ҳам бор.
“Матрасчилар” бу номзодга жуда қизиқмоқда, чунки бу қишда Киран Трипер клубни тарк этиши мумкин, шунинг учун зудлик билан инглиз ҳимоячиси ўрнига ўринбосар қидирилмоқда. Испаниялик футболчининг ўзи ҳозирча унинг трансфери ҳақидаги миш-мишларга изоҳ бермади, фақат “Челси”да бахтли эканини айтди.
Зеки Челик, трансфер эҳтимоли – юқори
“Манчестер Юнайтед”нинг Трипьерга бўлган қизиқиши туфайли турк бу ёзда “Атлетико”га ўтиши мумкин эди, аммо инглиз футболчиси клубда қолди, Шиме Врсалко ҳам тузалиб кетди, шунинг учун ўнг қанот ҳимоячисига эҳтиёж қолмади. Энди Киран “Ньюкасл”га ўтишга яқин турибди, бу эса мадридликларнинг ушбу позицияга футболчи қидиришига сабаб бўлади. “Лилль” молиявий муаммолар туфайли Зеки билан хайрлашмоқчи, “Атлетико” эса уни қишда 10 миллион еврога сотиб олмоқчи, дея хабар беради АS.
Челикнинг агенти Фозил Ўздемир маълумотни тасдиқлади: “Ҳақиқатан ҳам, “Атлетико” Зеки Челикга қизиқиш билдирмоқда, таклифлар бор. Биз уларни кўриб чиқамиз”.
Кепа Аррисабалага, трансфер эҳтимоли — паст
Кепа Испанияга қайтиб, фаолиятини қайтадан бошлаши мумкин, дея хабар беради "Radio Marca”.
Манбага кўра, Аррисабалага агенти ноябрь ойида Лондон клуби дарвозабонини сотиб олишга қизиқиш билдираётган “Атлетико” билан шартномаси тафсилотларини аниқлаш учун Мадридга учиб кетган.
Манбага кўра, “Челси” Кепа Аррисабалани 30 миллион евро эвазига “Атлетико”га қўйиб юборишга тайёр, бундан ташқари, “аристократлар” футболчининг кейинги сотувидан қанчадир сумма фоизга эга бўлади.
“Атлетико” қишда амалга ошириши мумкин бўлган сотувлар
Киран Трипьер, эҳтимолий сотув - юқори
Бу ёзда “Манчестер Юнайтед” қизиқиш билдирганига қарамай, инглиз Мадридда қолди, аммо ҳозир шайх томонидан сотиб олинган “Ньюкасл” Трипьер учун курашда пешқадамлик қилмоқда, “Атлетико” 31 ёшли футболчи учун тахминан 20 миллион фунт стерлингга рози. Киран ўрнига юқорида тилга олинган Зеки Челик мисолида ўринбосар топилган, шу боис “матрасчилар” футболчини ёзда МЮдан сўраганидан ҳам пастроқ нархни сотишга тайёр.
“TalkSPORT” нашри хабарига кўра, “қарғалар” раҳбарияти Киранга жамоадаги барча футболчилари орасида энг юқори маошни таклиф қилишга тайёр. Футболчининг ўзи ҳам Англияга қайтишга қарши эмас.
Жоау Феликс, эҳтимолий сотув — паст
Жоау ҳақида кўп миш-мишлар йўқ, лекин португалияликка асосан инглиз клубларидан қизиқиш билдирмоқда. “Todofichajes” нашри хабарига кўра, “Ливерпуль” Жоауни қишда сотиб олишдан манфаатдор, шунингдек, яна иккита клуб – “Ньюкасл” ва “Арсенал”дан ҳам қизиқиш бор, уларнинг барчаси Феликснинг трансфери бўйича сўров билан чиқишган. “Sedana CER” нашри маълумотларига кўра, энг фойдали таклиф “қарғалар” раҳбарияти томонидан берилган, аммо ҳужумчининг ўзига бу вариант ёқмайди.
Диего Симеоне қишда Феликс трансферини рад этди, Феликснинг ўзи ҳам клубда қолиб, жамоа билан кўплаб совринлар ютишни хоҳлайди.
Жамшиджон Маҳмудов таржимаси.
