Каталониянинг “Барселона” клуби раҳбарияти навбатдаги трансфер ойнасида ўз ҳимоячиси Сержиньо Дестни сотувга қўйиш ниятида.
“Маrcа” нашрининг хабар беришича, америкалик футболчига Премьер-лиганинг топ-клуби қизиқиш билдирмоқда. Манбага кўра, футболчи Лондоннинг “Арсенал” жамоаси сафига қўшилиши мумкин.
“Кўк-анорранглилар” 21 ёшли ҳимоячини 35 миллион еврога баҳоламоқда. Клуб сотувдан тушган пулни янги футболчилар сотиб олишга сарфламоқчи.