Москванинг "Локомотив" клуби чемпионатнинг 35-туридаги воқеа юзасидан расмий баёнот билан чиқди. Эслатиб ўтамиз, "Анжи"га қарши ўйиндан кейин (1:0) мухлислар томонидан махачқалъаликлар ҳимоячиси Кристофер Самбага банан улоқтирган эдилар.
"Хавфсизлик хизматимиз бўлиб ўтган воқеани яхшилаб ўрганиб чиқдилар.Кузатув камералари ёзувлари ва гувоҳларнинг билдиришича, Самьага бананни улоқтирган шахс "Анжи" мухлиси бўлиб чиқди", - дейилади баёнотда.
"Бизнинг стадионимизда ҳамма ҳодисаларни кузатувчи камералар ўрнатилган. Шунинг учун биз банан улоқтирган кишининг бутун ўйин давомида "Анжи" мухлислари жойлашган 12-секторда ўтирганини аниқладик. У ўйин тугашига 15 минут қолганида банан улоқтирилган VIP-1 сектори томонга юрган. Айтиш керакки, бу секторга фақат таклифнома ёки олдиндан сотиб олинган чипта билан кириши мумкин.
Биз у шахсни ташқи кўринишини ва қандай кийим кийганлигини биламиз, камера барчасини ёзиб олган. Барча видеоёзувларни РФИ ва РПФЛ га юбордик ва умид қиламизки, яқин вақт ичида барчасига ойдинлик киритилади. Шундан сўнг фото ва видеоларни оммага эълон қиламиз," - деди "Локомотив" клуби PR-директори Денис Новоселов.
