"Бешиктош"да ижара асосида ўйнаётган "Барселона" ярим ҳимоячиси Миралем Пьянич "Женоа" қизиқишлари дорирасига тушиб қолди. Италия клуби босниялик футболчини ижарага олмоқчи.
"Мен "Бешиктош"да бахтлиман ва мавсум охиригача жамоада қолмоқчиман. Охирги пайтларда кўп ўйнамадим, чунки жароҳатдан тузалаётгандим", - деди футболчи.
Маълумот учун, 31 ёшли Пьянич жорий мавсумда Туркия чемпионати ва Чемпионлар лигасининг 13та учрашувида қатнашиб, ушбу учрашувларда 4та голли узатмани амалга оширган. "Барселона" ва "Бешиктош" ўртасидаги ижара шартномаси мавсум охиригача амал қилади.
