"Арсенал"нинг собиқ футболчиси Кевин Кeмпбелл "Лидс"нинг ҳозирги аҳволи ҳақида фикр билдирди:
"Мен Бьелсани кучли босим остида қолган деб ўйламайман. Ҳа, у босим остида, аммо бу асосан асосий таркиб футболчиларининг ўйнамёатгани сабаб юзага келган. Чунки уларда жароҳат бор. Клуб раҳбарияти буни кўриб турибди. Шу сабаб вазиятга кескин муносабат билдирмайди. Тан олайлик, Бьелса "Лидс Юнайтед" учун жуда кўп ишларни амалга оширди.
Мухлислар ҳам буни яхши билади. Клуб мухлислари йирик мағлубиятга қарамай, "Арсенал" билан баҳс сўнгида жамоани қандай қўллаганини эсланг. Улар жамоаси ва мураббийини яхши кўради. Улар Бьелсани иложсиз эканини яхши билади. Улар асосий футболчилар сафга қайтишини кутиш кераклигии яхши тушунади. Клуб бюджети катта эмас. Шу сабаб Бьелса ёшлар билан ишлашга мажбур бўлмоқда".
Аввалроқ "Лидс"нинг "Ливерпуль"га қарши ўйини қолдирилган эди.
