Sky Sports нашрининг тарқатган маълумотига қараганда, Туриннинг «Ювентус» клуби ўз ярим ҳимоячиси Артурнинг хизматларини Лондоннинг "Арсенал" клубига таклиф этган.
Хабарда ёзилишича, «Ювентус» «Арсенал»дан ижобий жавоб келишига умид қилмоқда.
25 ёшли Артур 2020 йили 72 миллион евро эвазига "Барселона"дан "Ювентус"га кўчиб ўтганди. Жорий мавсум бразилиялик футболчи барча турнирларда "кекса синьора" таркибида 10 та учрашувда майдонга тушди. Артурнинг туринликлар билан амалдаги шартномаси 2025 йилгача амал қилади.