"МЮ" устози Ральф Рангник жамоа футболчиси Неманья Матич ўрнига муносиб номзод қидирмоқда. Хабарларга кўра, Матичнинг ярим ҳимоядаги вазифасини бажара оладиган иккита футболчи варианти мавжуд.
Улардан бири "Вест Хэм" сардори Деклан Райс, иккинчиси эса "Боруссия Дортмунд"нинг ёш юлдузи Жюд Беллигемлардир. Ҳар икки футболчи Англия терма жамоаси аъзоси ҳисобланади. "МЮ" ушбу футболчиларга ўтган ёздан бери эътибор билан қараб келади.
Райс ҳамда Беллингемни январь ойида эмас, балки кейинги ёзда сотиб олиш мумкин. Аввалроқ "МЮ" Холанд учун курашга киргани ҳақида хабар қилинган эди.
