Ярим ҳимоячи Ҳакан Чалҳонўғли нима учун ўтган ёзда "Милан"дан "Интер"га ўтишга қарор қилганини тушунтирди.
“Вазиятни ҳал қилиш мен учун қийин эди. "Милан" 7 йилдан бери Чемпионлар лигасида ўйнамаяпти. Менинг "Интер"га ўтишимнинг турли сабаблари бор эди. "Милан" уларнинг баъзиларини тушунмади, шунинг учун мен ишни ўз қўлимга олдим", - деди ярим ҳимоячи.
Маълумот учун, Чалҳонўғли “Интер”га 2021 йилнинг июль ойида эркин агент сифатида ўтган эди. 27 ёшли туркиялик футболчи “нерадзурри” сафида 21 та ўйинда майдонга тушиб, 6 та гол ва 8 та голли узатмага муаллифлик қилган.
