"Реал"нинг португалиялик ҳимоячиси Фабио Коэнтрау сигарет чеккани учун жазоланди. Аввалроқ, ушбу футболчининг "Вильяреал" билан ўйинга тушиши мумкин бўлган футболчилар руйхатига киритилмагани ҳақида маълум қилинганди. Ушбу қарорнинг сабабини ўрганишга ҳаракат қилган Goal.com мухбирлари буни аниқладилар.
Фабио Коэнтрау сигарет чекиб турган ҳолатда "ушланиб қолган". Бундан хабар топган Жозе Моуриньо уни таркибдан чиқариб ташлаган. Ички қоидаларга кўра, "Реал" футболчиларининг сигарет чекишлари таъқиқланади.