"Реал" раҳбарияти январь ойида баъзи футболчилар билан хайрлашмоқчи. Бу ҳақда "Marca" нашри бош муҳаррири Хосе Феликс Диас хабар тарқатди.
Манбага кўра, "Қироллик клуби" қишда Гарет Бэйл ва Искони сотиб юбормоқчи. Ушбу режа Карло Анчелотти бошчилигидаги мураббийлар штаби билан келишилди. Бу икки футболчининг амалдаги шартномаси 2022 йилнинг июнь ойида якунига етади.
Бундан ташқари, раҳбарият қарор қабул қилишни жорий мавсумда кам ўйин амалиётига эга бўлаётган Марселонинг ихтиёрига ҳавола қилишди. Чунки, жамоа бразилиялик футболчини ҳурмат қилади.
Шунингдек, клуб Мариано Диас, Лука Йович ва Эден Азар борасида тушадиган таклифларни кўриб чиқишга тайёр.