Футзал бўйича клублар ўртасидаги Осиё чемпионати саралаш баҳсларида иштирок этиш учун Тошкентга етиб келган Ироқнинг “Ал-Карх” клуби айрим қийинчиликларга дуч келган.
Биринчидан, жамоанинг Тошкентга келиши сўнгги дамда ҳал бўлган. Шунинг учун “Ал-Карх” мусобақа яхши тайёрлана олмаган.
Иккинчидан, жамоа вакилларининг юклари бугун юртимизга келган ва улар бугунги ўйиндан 2-3 соат олдингина ушбу юкларни олишган. Ушбу юклар орасида жамоанинг спорт формалари ҳам бўлган. Ироқликлар бахтига улар дастлабки турда майдонга тушмадилар. Натижада Ўзбекистон футбол федерациясининг ёрдами билан “Ал-Карх” жамоасига формалар тайёрланди ва бунинг учун вақт етарли бўлди.
Кеча “Ал-Карх” ушбу формаларни кийиб, “Ал-Васл”га қарши ўйинда иштирок этди. “Ардус” жамоаси раҳбарияти эса клуб юкларининг (маълум бўлишича, юклар Туркияда қолиб кетган) тезроқ Тошкентга келишига амалий ёрдам бериб юборган.
Бундай ёрдам учун “Ал-Карх” клуб бош мураббийи Саъд Ҳусайн Ўзбекистон футбол федерацияси ва “Ардус” клуби раҳбариятига миннатдорчилик билдирди.