Англиянинг "Норвич" клуби ёзги трансферлар очилиши билан жамоанинг беш нафар асосий футболчиларидан айрилиши мумкин.
Бунга биринчи навбатда Англиянинг бошқа бир клуби "Ливерпуль" сабаб бўлиши мумкин. "Мерсисайдликлар" ҳозирча жамоа тўпурари Грант Холтни сотиб олиш ҳаракатида юришибди.
Шунингдек ливерпулликлар нигоҳи жамоа яримҳимоячиси Энтони Пилкинтонга ҳам қаратилган. Пилкинтон ҳозирча чемпионат ўйинларида етти бор гол киритишга муваффақ бўлган.
Жамоанинг яна икки нафар аъзолари Расел Мартинс ва Эндрю Серманларга эса "Ньюкасл" клуби жиддий қизиқиш билдирмоқда.