Кеча "Нефтчи" рахбарияти томонидан 2021 йил мавсуми якуни бўйича чемпионларимизни янги йил арафасида тақдирлаш маросими бўлиб ўтди. Тадбир шаҳримиздаги "Мираж" ресторанида ташкил этилди.
Маросимда Фарғона вилоят футбол ассоциацияси биринчи вице президенти Носирбек Отақўзиев, "Нефтчи" ПФК бош директори Зоҳид Ғофуров, Нефтчи футбол мактаби директори Маҳмуд Зокиров ҳамда чемпион ёшларимиз иштирок этдилар.
Тақдирлаш маросимида 2021 йил Ўзбекистон U-18 биринчилигида чемпионликни қоълга киритган Азиз Алижонов бошчилигидаги "Нефтчи" ёшлар жамоаси, 2009 йилда туғилган болалар ва ўсмирлар ўртасида бўлиб ўтган Ўзбекистон чемпионатининг ғолиби Иқбол Акрамов бошчилигидаги Нефтчи U-12 жамоаси футболчилари, шунингдек, аёллар жамоамизнинг Олий лигага ўтишида ўзининг муносиб ҳисса ва маҳоратини намойиш этган жамоа бош мураббийи Мухлиса Отақўзиевалар қимматбаҳо эсдалик совғалари билан тақдирландилар.