«Манчестер Сити» бош мураббийи Роберто Манчинининг айтишича, яқин уч-тўрт ҳафтадан сўнг Карлос Тевес ўзининг аввалги формасини тиклаб олади ва майдонда тўлиқ ҳаракат қила олади. Бу ҳақда «The Daily Telegraph» нашри хабар бермоқда.
«Тевес ҳозирча бор кучи билан ўйнашга тайёр эмас. Бу нормал ҳолат. У футбол ўйнашни билади, аммо энг муҳими – бу унинг Насрига узатган ақлбовар қилмас тўп ошириши. Ўзининг аввалги формасини тиклаб олиши учун Карлосга бирор муддат керак бўлади. Аммо у энди биз билан, сўнгги ўн кун давомида у ўйинга яхши тайёргарлик кўришга муваффақ бўлди. Карлос «Манчестер Сити» учун муҳим ўйинчи ҳисобланади», деди италиялик мутахассис.
«Сўнгги олти ҳафта давомида мен ҳар куни Тевес билан гаплашиб келаман. Икки ёки уч ҳафтадан сўнг у идеал ҳолатга келади. Мен уни «Челси» билан ўйинда захирадан майдонга туширмоқчи эканлигим ҳақида олдиндан огоҳлантириб қўйган эдим», дея қўшимча қилди «Манчестер Сити» бош мураббийи Роберто Манчини.