"Манчестер Сити"нинг собиқ ярим ҳимоячиси Найжел де Йонг "Манчестер Юнайтед" бошқа клублардан фарқли ўлароқ, футболчиларга нисбатан тегишли интизомий чоралар кўрмаганини айтди.

“Пьер-Эмерик Обамеянг “Арсенал” сардори эди ва жазони ўзида ҳис қилди. Ҳа, у жамоа сардори, аммо Обамеянг протоколни бузди ва жазоланди. "Манчестер Юнайтед"да буни кўрмайсиз.

Пеп Гвардиола яқинда Жек Греалиш ва Фил Фоденга қарши ҳаракат қилди. Бу баёнот эди. Демак, клубда ҳамма тенг шароитда ва ҳамма нарсага жамоа бўлиб бирга эришиш керак. “Юнайтед”да буни кўрмаяпман. "Манчестер Юнайтед" ҳеч кимни ўз ўрнига қўя олмайди", - дея де Йонг сўзларини келтиради Ladbrok.