"Арсенал" ҳужумчиси Пьер-Эмерик Обамеянг фаолиятини "Сент-Этьен"да давом эттириши мумкин. Франция клуби вакиллари 32 ёшли габонлик билан аллақачон музокараларни бошлаб юборишган, деб хабар беради "RMC Sport".
Ҳужумчи аввалроқ “Арсенал”да интизомий қоидабузарликлар туфайли сардорлик боғичидан айрилган эди.
Обамеянг жорий мавсумда 15 ўйинда 7 та гол урди ва 2 та голли узатмани амалга оширди.
Форварднинг Лондон клуби билан шартномаси 2023 йилнинг ёзига қадар мўлжалланган. Трансфермаркт портали футболчининг нархини 15 миллион еврога баҳоламоқда.
