Англиянинг «Манчестер Сити» клуби бош мураббийи Пеп Гвардиола кеча «Арсенал» (2:1) устидан қўлга киритилган ғалабадан сўнг, АПЛ ғолиблиги учун кураш якунланганлиги ҳақидаги саволга ҳазил тариқасида жавоб қайтарди.
«Беринглар бизга совринни ва биз Мальдив оролларига дам олгани кетайлик. Лекин, мен бу нарса содир бўлади деб ўйламайман. Олдимизда яна 48 ёки 51 очко жамғарилиги керак бўлган ўйинлар турибди.
Ҳозир Англия Кубоги ўйинига тайёргарлик кўриш учун 5-6 кун вақтимиз бор. Кейин яна 5-6 кун мобайнида «Челси»га қарши бўладиган ўйинга ҳозирлик кўрамиз. Ҳозир вазият қалтис, коронавирус ва жароҳатларни ҳам ҳисобга олиш керак», – деди Гвардиола.