"Тоттенхэм"ни бир қатор футболчилар тарк этиши кутилмоқда.

"Аякс" "Тоттенхэм" ҳужумчиси Стивен Бергвейнни сотиб олишга қизиқмоқда, "Рома" эса инглиз клубига ярим ҳимоячи Тангай Н'Домбелени ижарага олишни таклиф қилмоқда. Шунингдек, "шпорлар" бош мураббийи Антонио Конте ярим ҳимоячи Деле Аллининг ҳам "Тоттенхэм"даги келажаги ҳақида ишонч билдирмаяпти, дея хабар берди журналист Николо Скира.

24 ёшли Бергвейн инглиз клубига 2020 йилнинг январида ПСВдан 30 миллион евро эвазига ўтган эди. Жорий мавсумда ҳужумчи барча турнирларда 13 ўйинда гол урди ва голли узатмани амалга оширди.

25 ёшли Ндомбеле 2019 йилнинг ёзида “Лион”дан 60 миллион евро эвазига “Тоттенхем”га ўтган эди. Жорий мавсумда франциялик футболчи 14 ўйинда 2 та гол урди ва ассистентлик қилди.

25 ёшли Алли 2015 йилнинг февралидан буён "шпорлар"да ўйнамоқда. Жорий мавсумда англиялик ярим ҳимоячи 17 та ўйинда майдонга тушиб, 2 та гол урди ва голли узатмани амалга оширди.