"Милан"нинг ҳужум триоси Златан Ибрагимович, Рафаел Леау ва Анте Ребич Италия чемпионати доирасидаги "Рома"га қарши 6 январьга белгиланган ўйинга тайёр бўлади. MilanNews мухбири Антонио Витиеллонинг хабар беришича, сешанба куни швед, португал ва хорват бир гуруҳда машғулот ўтказган.
Златан Ибраҳимович 2021 йилнинг сўнгги ўйинида тиззасидаги муаммолар туфайли “Милан” сафида майдонга тушмаган эди. Рафаел Леау жамоанинг сўнгги учта ўйинини, Анте Ребич эса турли муаммолар туфайли деярли икки ойни ўтказиб юборди.
"Милан" - "Рома" ўйини 6 январь куни Тошкент вақти билан соат 20:30да бошланади.
