Италиянинг “Милан” клуби Лондоннинг “Тоттенхэм” клубининг Франк Кессини Танги Ндомбелега алмаштириш борасидаги таклифини рад этди. “Il Corriere della Sera” нашри хабарига кўра, “россонерилар” ўз футболчисини жамоа билан шартномаси келаси йил ёзида тугаса ҳам қўйиб юбормоқчи эмас.
Қолаверса, Танги Ндомбеленинг йиллик маоши 10 миллион еврони ташкил қилади ва “Милан” футболчига бундай пул тўлашга тайёр эмас.
Кесси жорий мавсум А серияда 16 та ўйинда майдонга тушиб, 5 та гол урди. Ндомбелега келсак, яримҳимоячи АПЛнинг жорий мавсумида 9 та ўйинда майдонга тушиб, битта гол ва голли узатмани амалга оширди.
