“Ал-Вакра” клуби марказий ҳимоячиси Усмон Кулибали Қатар чемпионатининг 13-тур доирасидаги “Ал-Раян” билан учрашувида юрак хуружига учради, деб хабар берди “AlKass” телеканали. 

Учрашув биринчи бўлимда тўхтатилди. 32 ёшли футболчи зудлик билан касалхонага ётқизилган ва унинг аҳволи ҳозирча номаълум.

Жорий мавсумда Кулибали “Ал-Вакра” сафида 16 та ўйин ўтказиб, 1 та гол уришга эришди. Малилик аввалроқ “Гингамп”, “Брест”, “Платаниас” ва “Панатинаикос” клубларида тўп сурган.