“Ливерпуль” футболчиси Кейд Гордон “Энфилд”да бўлиб ўтаётган Англия  кубогининг 1/32 финалидаги ўйинда ҳисобни тенглаштирди. Гол урган футболчи айни пайтда 17 ёш-у 96 кунлик эди. “Gracenote Live” нашри маълумотларига кўра, Гордон “Ливерпуль” сафида гол урган иккинчи энг ёш футболчига айланди. 

Мерсисайдликларнинг ёш иқтидори 17 ёшу 143 кунлигида “Ливерпуль” сафида биринчи гол урган жамоанинг собиқ ҳужумчиси Майкл Оуэнни учинчи поғонага тушуриб юборишга муваффақ бўлди.

Клубнинг собиқ футболчиси Бенжамин Вудберн “қизиллар” сафида гол урган энг ёш футболчи бўлиб қолмоқда. У “Ливерпуль”даги илк голини 17 ёшу 45 кунлигида урган.