Хабарингиз бор, жамоа вакиллари 7 январь кунидан янги мавсумга тайёргарлик жараёнини бошладилар.
Клуб қароргоҳида ташкил этилаётган машғулотларда асосан тикланиш ва жисмоний тайёргарликни оширишга эътибор қаратилмоқда. Эртага, 10 январь кунидан бошлаб машғулотлар куннинг икки вақтида ташкил этилади.
Шунингдек, эртага клуб қароргоҳида кенгайтирилган йиғилиш бўлиб ўтади. Клуб раҳбарияти иштирокида ташкил этиладиган йиғилишда жамоанинг мавсумга тайёргарлик режаси ва келгусида амалга оширилиши лозим бўлган турли масалалар кўриб чиқилади.
"Турон" матбуот хизмати.
