"Реал" бош мураббийи Карло Анчелотти Испания суперкубоги ярим финал босқичи доирасида бўлиб ўтадиган "Барселона"га қарши ўйин борасида ўз фикрини билдириб ўтди.

"Бизда ҳамма нарса жойида ва Суперкубокка тўғри иштиёқ билан ёндошяпмиз. Мавсумдаги илк совринни қўлга киритишни истардик. Бу ўйинда ғалаба қозонишимиз ҳам, мағлуб бўлишимиз ҳам мумкин... Биз кучли рақибга яхшироқ ўйнашимиз керак. Бутун жамоа бўлиб финалга чиқишни истаймиз.

Эртага Карвахаль асосий таркибда тушадими ёки йўқми, билмадим. У бир ойдан буён майдондан ташқарида қолаётганди. Карвахаль, Родриго ва Асенсио - эртанги баҳсда майдонга тушиши сўроқ остида турганлар.

"Барселона"да қайси ўйинчи сизга кўпроқ ёқади?

"Пике, Бускетс ва Жорди Альба ҳамиша жамоа учун фойдали ўйнашади, аммо ҳозирда диққат марказда ёшлар бўлиб туришибди... Гави, Нико... улар — жамоанинг келажаги".

Учрашув фаворити?

"Ўйинчилар бизни фаворит деб ҳисоблашаётгани мени хавотирга солади. Бу ҳақда ўйламанг. Футболчиларим бизни фаворит дея ҳисоблашмайди. Яхши ўйин намойиш этиш ва ғалаба қозониш учун қўлдан келган барча ишни қиламиз".

Хави?

Хави бошқарувидаги "Барселона" — футбол ғояси нуқтаи назардан бу жамоа менга ёқади. Унинг ғоялари ва ишга бўлган муносабати билан жамоа янада кучли бўлади", - деди италиялик мутахассис.

"Реал" ва "Барселона" ўртасидаги ўйин 12 январь куни бўлиб ўтади. Баҳс Тошкент вақти билан 00:00да бошланади.