"Real" bosh murabbiyi Karlo Anchelotti Ispaniya superkubogi yarim final bosqichi doirasida bo‘lib o‘tadigan "Barselona"ga qarshi o‘yin borasida o‘z fikrini bildirib o‘tdi.

"Bizda hamma narsa joyida va Superkubokka to‘g‘ri ishtiyoq bilan yondoshyapmiz. Mavsumdagi ilk sovrinni qo‘lga kiritishni istardik. Bu o‘yinda g‘alaba qozonishimiz ham, mag‘lub bo‘lishimiz ham mumkin... Biz kuchli raqibga yaxshiroq o‘ynashimiz kerak. Butun jamoa bo‘lib finalga chiqishni istaymiz.

Ertaga Karvaxal asosiy tarkibda tushadimi yoki yo‘qmi, bilmadim. U bir oydan buyon maydondan tashqarida qolayotgandi. Karvaxal, Rodrigo va Asensio - ertangi bahsda maydonga tushishi so‘roq ostida turganlar.

"Barselona"da qaysi o‘yinchi sizga ko‘proq yoqadi?

"Pike, Buskets va Jordi Alba hamisha jamoa uchun foydali o‘ynashadi, ammo hozirda diqqat markazda yoshlar bo‘lib turishibdi... Gavi, Niko... ular — jamoaning kelajagi".

Uchrashuv favoriti?

"O‘yinchilar bizni favorit deb hisoblashayotgani meni xavotirga soladi. Bu haqda o‘ylamang. Futbolchilarim bizni favorit deya hisoblashmaydi. Yaxshi o‘yin namoyish etish va g‘alaba qozonish uchun qo‘ldan kelgan barcha ishni qilamiz".

Xavi?

Xavi boshqaruvidagi "Barselona" — futbol g‘oyasi nuqtai nazardan bu jamoa menga yoqadi. Uning g‘oyalari va ishga bo‘lgan munosabati bilan jamoa yanada kuchli bo‘ladi", - dedi italiyalik mutaxassis.

"Real" va "Barselona" o‘rtasidagi o‘yin 12 yanvar kuni bo‘lib o‘tadi. Bahs Toshkent vaqti bilan 00:00da boshlanadi.