Чоршанба куни Саудия Арабистонида Испания Суперкубоги старт олди.
“Реал Мадрид” биринчи ярим финалда “Барселона”ни 3:2 ҳисобида мағлуб этиб, финалга йўл олган бўлса, бугун навбатдаги финалчи номи маълум бўлди.
Бильбаонинг “Атлетик” клуби Мадриднинг “Атлетико” жамоасини мағлуб этиб (2:1) иккинчи финалчига айланди. Қизиқарли кечган учрашувда бильбаоликлар ирода кўрсатиб, ғалабани қўлга киритди.
Маълумот ўрнида, турнирда “Атлетико” Испаниянинг амалдаги чемпиони, “Барселона” эса Испания кубоги ғолиби сифатида ўйнади. Мадриднинг “Реал” клуби Ла Лига 2020/21 мавсумида 2-ўринни эгаллаб, турнирда иштирок этиш ҳуқуқини қўлга киритган бўлса, “Атлетик Бильбао” эса Испания Кубоги финалчиси сифатида йўлланмага эга чиққанди.
“Атлетико” — “Атлетик” – 1:2
Голлар: 1:0 – 62, автогол Унаи Симон, 1:1 – 77 Йерай Альварес, 1:2 – 81 Уильямс.
“Атлетико” – Облак, Врсалько, Хименес, Эрмосо, Льоренте (Лоди, 46), Карраско, Коке (Эррера, 84), Кондогбиа (де Пауль, 51), Лемар (Матеус Кунья, 85), Корреа (Суарес, 71), Жоау Феликс.
“Атлетик” – Унаи Симон, Де Маркос, Мартинес, Йерай Альварес, Баленсиага (Берчиче, 75), Дани Гарсия, Саррага (Весга, 70), Сансет (Рауль Гарсия, 70), Беренгер (Уильямс, 70), Уильямс, Муниаин.
Огоҳлантиришлар: Мартинес (83), Весга (90), Уильямс (90), Врсалько (90).
Четлатиш: Хименес (90).
