Chorshanba kuni Saudiya Arabistonida Ispaniya Superkubogi start oldi.
“Real Madrid” birinchi yarim finalda “Barselona”ni 3:2 hisobida mag‘lub etib, finalga yo‘l olgan bo‘lsa, bugun navbatdagi finalchi nomi ma’lum bo‘ldi.
Bilbaoning “Atletik” klubi Madridning “Atletiko” jamoasini mag‘lub etib (2:1) ikkinchi finalchiga aylandi. Qiziqarli kechgan uchrashuvda bilbaoliklar iroda ko‘rsatib, g‘alabani qo‘lga kiritdi.
Ma’lumot o‘rnida, turnirda “Atletiko” Ispaniyaning amaldagi chempioni, “Barselona” esa Ispaniya kubogi g‘olibi sifatida o‘ynadi. Madridning “Real” klubi La Liga 2020/21 mavsumida 2-o‘rinni egallab, turnirda ishtirok etish huquqini qo‘lga kiritgan bo‘lsa, “Atletik Bilbao” esa Ispaniya Kubogi finalchisi sifatida yo‘llanmaga ega chiqqandi.
“Atletiko” — “Atletik” – 1:2
Gollar: 1:0 – 62, avtogol Unai Simon, 1:1 – 77 Yeray Alvares, 1:2 – 81 Uilyams.
“Atletiko” – Oblak, Vrsalko, Ximenes, Ermoso, Lyorente (Lodi, 46), Karrasko, Koke (Errera, 84), Kondogbia (de Paul, 51), Lemar (Mateus Kunya, 85), Korrea (Suares, 71), Joau Feliks.
“Atletik” – Unai Simon, De Markos, Martines, Yeray Alvares, Balensiaga (Berchiche, 75), Dani Garsiya, Sarraga (Vesga, 70), Sanset (Raul Garsiya, 70), Berenger (Uilyams, 70), Uilyams, Muniain.
Ogohlantirishlar: Martines (83), Vesga (90), Uilyams (90), Vrsalko (90).
Chetlatish: Ximenes (90).
