Тошкент шаҳридаги “Юнусобод” спорт мажмуасида футзал бўйича мамлакат чемпионатининг 5-тур ўйинлари давом эттирилди.

Нафақат турнинг, балки чемпионатнинг марказий учрашувларидан бири сифатида таъриф берилган АГМК ва “Локомотив” учрашуви кутилганидек шиддатли, кескин ва муросасиз, қизиқарли ўтди. Хавфли вазиятлар, такрорланмас комбинациялар, мароқли индивидуал хатти-ҳаракатлар ҳар иккала жамоа томонидан намойиш этиб берилди. Якунда ҳисоб ҳам шунга яраша бўлди – дарвозани нишонга олиш ҳеч бир жамоага насиб этмади.

Қолган учта ўйинда ҳам тенг курашлар кузатилди, ғалаба эса омадли жамоага насиб этди. Айниқса, “Максам-Чирчиқ” ва “Навбаҳор” учрашуви ҳам томошабоп ўтди. Биринчи бўлимда наманганликлар иккита тўп олдинда эди, иккинчи бўлимнинг ярмига қадар чирчиқликлар учта жавоб тўпи киритишиб, ҳисобда олдинга ўтиб ҳам олишди. Лекин ўйин якунига қадар “Навбаҳор” ташаббусни ўз қўлига олди ва ғалабага эришди.

Футзал. Олий лига

Тошкент. “Юнусобод” с.м. 5-тур.

Иккинчи  кун. 14 январь, жума

БУНЁДКОР – НЕФТЧИ – 3:2 (1:0). 34 томошабин.

Ҳакамлар: Жамолиддин Нажмиддинов, Ойбек Каллахўжаев, Ҳусниддин Баҳодиров

Назоратчи: Сергей Петров

Комиссар: Жаҳонгир Раҳматуллаев

Голлар: Шоҳруҳ Шокаримов (22), Олимжон Воҳидов (38) – Жаҳонгир Махсудов (11-ўз дарв.), Абдусаттор Абдураҳмонов (37), Диёржон Каримов (39)

Огоҳлантиришлар: Аслбек Исроилов (17), Ислом Салимов (20), Умиджон Зайниддинов (39) – Элёр Домлаев (26), Жаҳонгир Махсудов (29).

ПАХТАКОР – ДИНАМО – 6:5 (2:1). 73 томошабин.

Ҳакамлар: Ҳусниддин Баҳодиров, Адҳам Рихсибоев, Ойбек Каллахўжаев

Назоратчи: Валентин Шашков

Комиссар: Жаҳонгир Раҳматуллаев

Голлар: Алишер Иброҳимов (8, 23, 25), Заҳриддин Абдувалиев (16), Феруз Фахриддинов (36), Константин Свиридов (39) – Далер Эшонқулов (2, 24), Муҳаммад Ражабов (21), Меҳрож Худойбердиев (31), Самариддин Беркинов (40

Огоҳлантиришлар: Акмал Элмуродов (21), Константин Свиридов (26), Дилшод Ирсалиев (40) – Самариддин Беркинов (40).

МАКСАМ-ЧИРЧИҚ – НАВБАҲОР – 3:5 (0:2). 58 томошабин.

Ҳакамлар: Хушнуд Отамуродов, Рустам Тоғаев, Ҳусан Музаффаров

Назоратчи: Олег Дачев

Комиссар: Жаҳонгир Раҳматуллаев

Голлар: Жавлон Аноров (23), Ҳусанжон Ғаниев (26), Бекзод Жумабоев (28) – Азимжон Неъматуллаев (10), Фарҳоджон Шокиров (12, 31, 32), Ҳакимжон Абдурашидов (36)

Огоҳлантиришлар: Ботир Ризаев (29), Тимур Тўрақулов (31) – йўқ.

АГМК – ЛОКОМОТИВ – 0:0. 845 томошабин.

Ҳакамлар: Умид Пўлатов, Ҳусан Музаффаров, Ҳушнуд Отамуродов

Назоратчи: Тимур Абдуллаев

Комиссар: Жаҳонгир Раҳматуллаев

Огоҳлантиришлар: Давлат Иброҳимов (24), Суннатулла Жўраев (33) – Жамолиддин Нормирзаев (13), Акбар Усмонов (35).