"Астон Вилла" бош мураббийи Стивен Жеррард жамоанинг янги аъзоси бўлган Коутиньо ҳақида фикр билдирди. У "МЮ"га қарши ўйин олдидан шундай дейди:
"Коутиньо ҳамда Дин эртанги ўйин учун тайёр бўлишади. Аммо Коутиньо асосий таркиб учун ҳали тайёр эмас. Чунки у "Барселона"да асосан алоҳида шуғулланган. Қолаверса, унда коронавирус билан боғлиқ муаммо бор эди. Шунга қарамай уни жамоамизда кўриш жуда ҳам мароқли. Ўйлайманки, Коутиньо жамоага кўп фойда келтира олади".
Эслатиб ўтамиз, "Астон Вилла" ҳамда "МЮ" баҳси бугун Тошкент вақти билан соат 22:30да старт олади.
