"Aston Villa" bosh murabbiyi Stiven Jerrard jamoaning yangi a’zosi bo‘lgan Koutinyo haqida fikr bildirdi. U "MYU"ga qarshi o‘yin oldidan shunday deydi:
"Koutinyo hamda Din ertangi o‘yin uchun tayyor bo‘lishadi. Ammo Koutinyo asosiy tarkib uchun hali tayyor emas. Chunki u "Barselona"da asosan alohida shug‘ullangan. Qolaversa, unda koronavirus bilan bog‘liq muammo bor edi. Shunga qaramay uni jamoamizda ko‘rish juda ham maroqli. O‘ylaymanki, Koutinyo jamoaga ko‘p foyda keltira oladi".
Eslatib o‘tamiz, "Aston Villa" hamda "MYU" bahsi bugun Toshkent vaqti bilan soat 22:30da start oladi.