"Нюкасл" "Аталанта" ярим ҳимоячиси Робин Гозенсга қизиқиш билдирмоқда.
Sky Sports Italia хабарига кўра, инглиз клуби аллақачон футболчи билан йилига 3,5 миллион евро маош оладиган 3,5 йиллик шартномага келишиб олган.
27 ёшли ярим ҳимоячи жароҳати сабаб 2021 йилнинг 29 сентябридан бери “Аталанта”да ўйнамади. Яқин келажакда Гозенс тиббий текширувдан ўтиши керак. Агар соғлиғида ҳаммаси жойида бўлса, "Нюкасл" "Аталанта"га расмий трансфер таклифини юборади.
Жорий мавсумда немис футболчиси Италия клуби сафида барча мусобақаларда 8та ўйин ўтказиб, 2та гол урди ва битта голли узатмани амалга оширди.
