Кечаги ғалабадан сўнг, "Челси" бош мураббийи вазифасини бажарувчи Роберто Ди Маттео клуб расмий сайтига интервью берди.

"Бу натижа биз учун жуда ажойиб бўлди" - деди Ди Маттео, - ""Бенфика" жуда жиддий рақиб, улар бир неча йилллардан бери ўз майдонларида еврокубокларда мағлубиятга учрамаганликларидан ҳам хабарим бор. Бутун ўйин давомида ҳимояда ишончли ўйнаётганлигимизни хис қилдим ва гол киритишимизни кута бошладим. Мен натижадан хурсандман, энди бизнинг имкониятларимиз яхшироқ. Лекин кейинги босқичга чиқдик, деб ҳисобламаган бўлардим. шу жиҳатдан кечаги ҳисоб биз учун бироз хавфлироқ деб ўйлайман. 

Мавсум охиригача ҳам "Челси" таркибини ротация қилиб боришда давом этаман, чунки жуда тиғиз графикда ўйнаймиз, демак кўпроқ футболчиларга эхтиёж сезаман. Ферейра узоқ вақтдан бери майдонга тушмаётганди, ўйлайманки, у бугун ишончни оқлади"