Ярим ҳимоячи Жесси Лингард "Манчестер Юнайтед"да мавсум охиригача қолиши мумкин.

"ESPN" хабарига кўра, футболчи трансферини амалга оширишга уринган "Тоттенхэм" ва "Вест Хэм"га рад жавоби берилган, чунки "Манчестер Юнайтед" Премьер-лигада кучли тўртликдан жой олиш учун рақобатчиларни кучайтиришни истамаяпти.

Шунингдек, Лингардни таклиф этиш ниятида бўлган "Ньюкасл" ҳам манкунианликлар учун қулайроқ вариант, аммо бош мураббийи Ральф Рангник ярим ҳимоячини мавсум охиригача бошқа жамоага қўйиб юборишни истамаяпти. Немис жамоада COVID-19 инфекцияси авж олган тақдирда, таркибда жиддий муаммолар пайдо бўлиши мумкинлигидан қўрқади ва шунинг учун Лингардни қўйиб юборишни хоҳламайди.