Баъзи бир ОАВда (Аниқроғи "Stadion" нашрида — Stadion.Uz ) “Бунёдкор” устози Миржалол Қосимов ишдан бўшашлик борасида ариза ёзганлиги ҳақида маълумотлар пайдо бўлди.

Газеталардан бири бу борада ёзаркан бунга сабаб қилиб “клуб раҳбариятининг мураббийлар фаолиятига аралашуви”ни кўрсатиб ўтган.

“Бунёдкор” матбуот хизмати маълум қилади:
1) Миржалол Қосимов ишдан бўшашлик борасида ариза ёзмаган. У “Бунёдкор” бош мураббийи сифатида ўз фаолиятини давом эттирмоқда;
 
2) Клуб раҳбарияти тайёргарликлар ва учрашувлар мобайнида мураббийлар штаби иш фаолиятига аралашмайди.

Оммавий ахборот воситалари ходимларидан эълон қилаётган хабарларини аниқ маълумотларга таянган ҳолда чоп этишларини ҳамда журналистик этикасига риоя этишларини сўраб қоламиз. Бундай асоссиз маълумотлар футбол жамоатчилиги орасида турли хил фикрларни уйғотиши мумкин. Клубнинг кадрлар алмашинуви борасидаги  ҳар қандай ўзгаришлари расмий веб-сайтимизда эълон қилинади. Ҳамкасбларимиз ўзларини қизиқтирган саволларга клуб матбуот хизматига мурожаат этишган ҳолда аниқ ва тўлиқ жавобларни олишлари мумкинлигини яна бир бор эслатиб ўтмоқчимиз.

Манзил: Тошкент шаҳри, Шайхонтахур тумани, Беруний кўчиаси, 3-уй
E-mail: info@fcbunyodkor.com
Телефон: +99871 150 83 51, (52, 53, 54)
Факс: +99871 150 83 55