ПСЖ бош мураббийи Маурисио Почеттино Франция Лига—1 мусобақасининг 22-туридан ўрин олган “Реймс”га қарши ўйин арафасида ҳужумчилар Килиан Мбаппе ва Лионель Мессининг ҳолати ҳақида гапирди.

“Биз Мбаппени машғулотга қайтганидан мамнунмиз. У асосий таркибга туша оладими, ёки йўқми ҳали номаълум? Мессига келсак, у бу ҳафта жамоа билан кўп машғулот ўтказди. Эртага у майдонга тушади”, - дея Почеттинонинг сўзларини келтиради Париж клуби матбуот хизмати.

Франциялик ҳужумчи мушакдаги жароҳат туфайли жамоа машғулотларини ўтказиб юборди.

Франция чемпионатининг 22-туридан ўрин олган ПСЖ – “Реймс” учрашуви эртага, 23 январь куни Париждаги “Парк де Пренс” стадионида бўлиб ўтади.